ARABALANDAK ARABAKO LANDA-INGURUNEAREN EKINTZAILETZA ETA GARAPENA BULTZATZEN DUTEN ZORTZI EKIMEN SARITU DITU ARABALANDA SARIAK 2026 EKIMENEAN

Astelehen honetan Izarran egindako ekitaldiak sei proiektu ekintzaile saritu ditu edizio honetan aurkeztutako 33 hautagaitzen artean eta Ibilbide Ekintzailea eta Emakume Ekintzailearen lidergoa ere aintzatetsi dira

Araba, 2026ko uztailaren 6a. Arabako Landa Garapeneko Elkarteen Federazioak (Arabalanda) Arabalanda Sariak 2026 banatu ditu astelehen honetan Izarrako Lola Enea lorategian, Arabako
landa-ingurunean ekiteko eta aukerak sortzeko apustua egiten dutenen talentua, berrikuntza eta konpromisoa aitortzeko.

Ekitaldian Amaia Barredo, Eusko Jaurlaritzako Elikadura, Landa Garapen, Nekazaritza eta Arrantza sailburua; Joseba Terreros, Eusko Jaurlaritzako Landa Garapeneko eta Europar Politiketako zuzendaria; Javier Gorbeña, Arabako Foru Aldundiko Lurralde Orekako zuzendaria; eta Eduardo Fernández de Pinedo, Vital Fundazioko ordezkaria izan dira.

Lehenengo edizio honetan 33 proiektu aurkeztu dira, Arabako herrietan dagoen dinamismo ekintzailearen eta lurraldeari lotutako ekimen ekonomiko jasangarri eta berritzaileak garatzeko gero eta interesaren erakusle gisa.Ekitaldian zehar 1.000 euroko sei sari banatu dira Ekintzailetza kategorian, Ibilbide Ekintzailea eta Emakume Ekintzailearen lidergoa saritzeaz gain.

Ekintzailetzaren kategorian honako proiektu hauek nabarmendu dira:

• Brotes y Patas SLU, Nekane Díaz Andújar-ek sustatua, ekoturismoa, ingurumenhezkuntza, permakultura eta arte esperimentala konbinatzen dituen proposamenagatik, ikasteko eta parte hartzeko gune gisa sortutako lorategi botanikoa.
• Arbor Access Araba, Jules Miller-ena, altueran inausketan, soka bidezko sarbide-tekniken bidezko baso-lanetan eta berdeguneen kudeaketan espezializatua, segurtasun- eta profesionaltasun-irizpideekin.
• Burgelur, Itsaso Martínez Vargas-ek eta Nagore Beltrán de Heredia-k sustatua. Burgelun kokatuta dagoen elikadura ekologikoko eta hurbileko saltoki bat da eta online salmenta eta etxez etxeko zerbitzua eskaintzen ditu, tokiko produktuak herritarrei hurbiltzeko.
• Arthika Artilea, Sonia Compañónena, zero kilometroko ardi latxen artilea material jasangarri gisa berreskuratzen duena, dekorazio-elementuak eskuz sortzeko eta espazioak harmonizatzeko.
• Aroma de Abeja, Ander Abaitua Puelles-ek sustatua, lurraldean egindako gourmet eztia ekoiztearen eta merkaturatzearen alde egindako apustuagatik.
• Malaka Delicias, Sheila García Sánchezena, artisau-gozogintzako proiektua, produktu tradizionalak eta pertsonalizatuak tokiko eta hurbileko lehengaien erabilerarekin konbinatzen dituena.

Angostoko kanpinak jaso du Ibilbide Ekintzailearen aintzatespena, ia hiru hamarkadaz Gaubeako haranean turismo iraunkorra bultzatzen, enplegu egonkorra sortzen eta eskualdearen garapen ekonomiko eta sozialari laguntzen egindako ibilbideagatik.

Bestalde, Emakume Ekintzailearen lidergoa aintzatespena Belen Etxebarria (Etxegoien SC) Zigoitiko abeltzain eta artzaina nabarmendu du, abeltzaintza estentsiboarekin, latxa arrazaren kontserbazioarekin, Idiazabal gaztaren sustapenarekin eta emakumeek landa-ingurunean duten paperaren defentsarekin duten konpromisoagatik.

Arabalandako presidente Maite Martinezek galan nabarmendu zuenez, "sari hauek gure herrietan proiektuak garatzearen aldeko apustua egiten duten ekintzaileen ahaleginari balioa ematen diote eta Arabako landa-ingurunea aukeren, berrikuntzaren eta etorkizunaren gunea dela erakusten dute".

Arabalanda Sariek Vital Fundazioaren, Eusko Jaurlaritzaren eta Arabako Foru Aldundiaren laguntza dute. Erakunde hauek Arabako landa-inguruneko ehun ekonomiko eta soziala indartzeko helburua dute, ekintzailetza eta berrikuntza bultzatuz.